Also et wird Tied mal wedder wat von uns hör`n de loaten.
Neulich war`n wei Pklattspreker Nomiddach`s bie de Rentner vonne Volkssolidarität und häm unsen Sketch opjeführt.
Der ein oder andere Lacher hät uns jezeicht, dat et jut anjekommen is.
Nu wollten wei dat unse Mitjlieder ok nich vorentholln und hämse in unse letzte Versammlung im November ewerrascht mit Herr`n Bollmann un siene Schüler. Ok hier hatten wei de Lacher op unsere Seite.
Damit nu de Besucher von unse Webseite ok wetten worum et sick da dreiet, stelle ick juch den Text mit rin.
Ut de Schaule
| Lehrer: | Juten Dach ok Kinner! |
| alle Schüler: | Juten Dach Herr Bollmann! |
| Lehrer: | Also miene lieben Schüler, hiete woll`n wie drewer spreken, wekke Berufe dat so jiwt. Häm jie schon ma drewer nohjedacht, wat jie ma moaken woll`n? |
Schülerin Anke meldet sich
| Lehrer: | Na Anke, kannst du wat dotau seien? |
| Schülerin Anke: | Ick were mick mo bie de Wach – un Schlutjesellschaft bewarben. Da häm sie mick drop jebracht, Herr Bollmann. |
| Lehrer: | Ick häwe dick da drop jebracht? Wie dat denn? |
| Schülerin Anke: | Sie häm in de letzten Joahre so oft tau mick jesecht: „ Anke wat bist du bloß forne Nachtwächterin!“ Na un denn moke ick dat eben als Beruf. |
| Lehrer: | Na dat is`n Ding, bloß weil ein dat öfter so rut rutschen deit. Un du Birgit wat willst du späderhen ma moaken? |
| Schülerin Birgit: | Ick jlowe ick were ma Kosmonaut. |
| Lehrer: | Dat is ja interessant. Hät dat ok wat mit mick de dauen? |
| Schülerin Birgit: | Nee, mit miene Mudder. Ick kann ok vertelln worum. Immer wenn se miene Stub`ndür op jemokt hät un bie mick rin jeguckt hät, denn hät se jeraupen; „ Birgit, ick könnte dick non Mond scheiten.“ Un da will ick nu tau jerne mo hän. |
| Lehrer: | Dunnerwetter, da häste dick joa wat vorjenomm. |
Brigitte meldet sich mit kräftigen Handzeichen
| Lehrer: | Nu metten wer moa noch Brigitte vertell`n loaten, die meld sick ok schon de janze Tied. |
| Schülerin Brigitte: | Ick wett schon janz jenau, dat ick ok moa Lehrer werd`n möchte, jenau wie sie Herr Bollmann. |
| Lehrer: | Dat freiet mick awer. Kannste dick dat denn vorstell`n Kinder de underrichten? |
| Schülerin Brigitte: | Nee, dat moa jrade nich so dulle, ick denke da eher oan de schenen langen Ferien. |
| Lehrer: | Do seie ick nischt dotau. Nu frogen wei moa noch Christel, wat se sick so jedacht hät. |
Christel hat vorher sowieso schon unerlaubt dazwischen gesprochen.
| Schülerin Christel: | Ick will Fensterputzer werd`n. |
| Lehrer: | Warum dat denn? |
| Schülerin Christel: | Alle seien immer tau mick, dat ick ken Durchblick häwe un darum denke ick, wenn ick de Jlasschieben scheen putze, denn häwe ick ok den Durchblick. |
| Lehrer: | Christel, Christel du bist mick eene. Nu blifft je bloß noch Klaus. Wat wisst du denn moa wer`n Klaus? |
| Schüler Klaus: | Seefoahrer, Herr Bollmann. |
| Lehrer: | Häste dick dat jut ewerlecht Klaus? Dat is je en janz jefährlicher Beruf. Wat is denn dien Vader jewesst? |
| Schüler Klaus: | Ok Seefoahrer. |
| Lehrer: | Un dien Jroßvader? |
| Schüler Klaus: | Ok Seefoahrer. |
| Lehrer: | Un wie sin se jestorb`n? |
| Schüler Klaus: | Dä sin op de See jebläm. |
| Lehrer: | Na Klaus, denn wore ick mick dat awer ewerlejen, op de See defoahren. |
| Schüler Klaus: | Herr Bollmann, wo is denn ihr Vader jestorb`n? |
| Lehrer: | Int Bedde. |
| Schüler Klaus: | Na Herr Bollmann, denn worre ick mick oan ihre Stelle hüten int bedde de jehn. |
So, liebe Leser, Besucher der Webseite, ick hoffe ok juch konnten wei en Lächeln entlocken.
Liebe Jrüße vonne Plattspreker