Hallo liebe Vereinsmitglieder und Besucher unserer Website ,
kürzlich war die neu gegründete Arbeitsgruppe Plattspreker zu Gast bei den Eggersdorfern.
Anke Stohge berichtet hierzu :
Nu will ick juch ma wat von unsen schönen Dunnersdag Noamiddach in Ejersdorp vertellen.
Mario hät je op de Webseite jeschremm, dat us de Ejersdorper Plattspreker tau ihr’n Noamiddach injeloden häm un wer Interesse hät soll sick bie Mario‘n meln.
Denn häwe ick jedacht, hoffentlich häste Tied un dat klappt mit dienen Dienst. Wo dat jeklärt war, häwe ick äwerlecht, wer wird den dor viellicht ok henwoll’n. Häw ick deerscht on miene Noabarin Heidemarie jedacht, un denne sin mik ok noch Brijitte un Christel injefall’n. De harr’n je schon ma tau mick jesecht, dat se ok jut Platt spreken könn‘ un in unse Jruppe mitmoken woll’n. Denn häw ick se onjeraupen un jefroret, un se woar’n jlieks bejeistert. Heike hett sick denn ok noch onjeschloten un hätt sojar ihr’n Chroniknoamiddach sausen loten.
In Ejersdorp onjekomm‘ hät uns de Fru Renning herzlick willkomm‘jeheiten un vertellt, wie de Noamiddach so utseien wird. Denn harr’n einige Frau’n ut’n Bauk Jeschichten vertellt, natürlich op platt, ewer die wei orndlich jelacht häm. Et kam ok die ein oder anner Erzählung von früher tau Jehör un et kam dobie oft de Zicke drimne vor.
Un denn hät Frau Renning noch de Jeschichte von Zickenkoop in Üllitz vertellt, die se et letzte ma, wo se bie uns war, mitjenommen hät. Se hät jesecht, dat se de Huse erstmo noch jeübet hät, damit dat ok jut rewer kimmt. Se hät dat wunderbar jemokt.
Immer mank de jeweiligen Vorträje häm sick de Liede nett underhollen. Un watt soll ick juch noch seien? Lecker’n Erdbeerkauken un den eine oder annern Iesbeker hät et ok jejeben.
Der Noamiddach bie de Ejersdorper Plattspreker wird uns noch lange in juter Erinnerung blieb’m.
Wer sick viellicht ok noch für unsere Jruppe interessiert secht mick Bescheid, ok wenn dat mit’m Platt noch nich hänhauet, so wie viellicht ok bi uns.
Falls ihr interessiert seid – hier findet ihr außerdem noch den Volksstimmeartikel zum Plattspräkertreffen vom 24.05.2018: http://digital.volksstimme.de/volksstimme/20025/article/732409/14/4/render/?token=3aeaa2c2992c551a55a3728b196367c7