Heimatverein Glöthe e. V.

Sicher kann sick der ein oder andere ok noch droan erinnern, wie dat bis ca. Ende der 70er Joahre rin jemokt worre. Ick war da noch en Schaulkind un jedet Joahr im Winter, wenn de Buern Tiet hatten un oppen Acker nischt de dauen woar, häm se sick jejenseitich biet Feddern rieten jehulpen. Ok de Fruens ut de Nachbarschaft, Bekannte un de Familie häm mit jehulpen. Da wei im Februar zwei Wochen Winterferien jehabt häm, kunnten wei ok mitmoaken. Un von miene Erinnerungen un wat ick so noch desam jetroaren häwe, will juch vertelln.

Wochen vorher, wenn de Jänse fett jenuch woarn, worr´n se jeschlachtet un weil ja de Feddern wieder verarbeitet werden sollten, konnten se nich jebrüht werden, sondern se worr´n jedämpft, denn jeruppt un jedrejet un denn hämse inne Zementtuten op de Wiederverarbeitung jewart.

Also ick wet op alle Fälle noch, dat wei dat jerne jemokt häm, weil da soveel ewwer de olle Tiet vertellt worre un natürlich ok der niee Klatsch un Tratsch nich de kurtsch koam un die Arbeit hät awer ok Spoaß jemoakt.

Oan frühen Nomiddach häm se sick jetropen un denn jing dat los. Bie miene Oma stand oben oppen Flur en jroter Disch un bis acht Fruens drumherum. Fast jede hatte en Koppdauk um un Sachen oan, die de Feddern nich so oanjezoren häm.

De Zementtuten, wo de Feddern drinne woarn, stand´n schon paroat un wenn alle still jesetten häm, denn schnelle Bewegungen un ok Durchzuch hät sick nich so jut jemoakt, worre der erste Schwung inne Mitte von Disch jekippt.

Denn häste de Fedder oben zwischen linken Daumen un Zeijefinger oangefoat un de rechte Seite vonne Fedder lang runter jeretten un denn häste dat janze mit de andere Seite jemoakt. Also mit rechts festjehold´n un de linke Seite lang runter oafjeretten. Den Kiel häste op de Ähre fall´n loaten, denn dat stachlije Ding will ja keiner in sien Kissen häm un dat oafjerettene bliff vor einen liejen un worre immer, wenn der Haufen jrot jenuch woar, mit janz sachten Bewegungen ok wedder inne Zementtute jemoakt. Dat woar schon ne fisselige Arbeit, aber dat jing bie de Fruens zack, zack, zack. Jekonnt is eben jekonnt.

Natürlich häm se ok ne Pause jemoakt un denn joabt Kaffee un frisch jebackenen Kauken un den ein oder anderen Hochprozentigen häm se sick och jenehmicht un denn jing et aber bis tum Abend wedder oan de Arbeit.

Denn eh ein Koppkisseninlett jefüllt is, hät es schon Stunden jebrukt un miene Oma harre drei Enkeltöchter un jede hät zwei Koppkissen un Bettbezüge für ähre Utsteuer mitjekricht. Dat waren schon etliche Stunden, Tage, Wochen, Jahre……..

Veel Spoaß biet lesen wünscht juch Anke und de janze Plattsprekerjruppe!

Übersetzung einiger Wörter 😊

Feddern rieten	Federn reißen
Koppdauk	Kopftuch
Nomiddach	Nachmittag
oanjefoat	angefasst
oafjeretten	abgerissen
harre	hatte
Tied	Zeit