Denk ick on mine Kinnertied denn kimmt mik veel in‘n Sinn do jift et noch son mächtich Ding, dat kann ick nich mehr fin‘n. De Warbschorte for de Fruens wor datomoln nich schlecht, ohn ehr kunn’se keene Arbeet daun, do käm’se nich derecht. De Schorte wor brun oder striepig bunt, wurde um de Talje umjebun‘n se reckte fast bis op de Ere un veel het Platz do drin jefunn. Do kunn’t man Holz un Tuffeln holn un Eier ut it Nest, tau’n Dischofwischen wor se jut, ook Pottlappen wor se jewest. Als Handauk dat se ehren Deenst un Hänne kunnt’s druner wär’m un wenn’t maol jor nich annerscht jing kunn’s ook’n Näsdauk wern. Se wor nich Alltied reene jewest, doch koom Besuch mol lang, denn steek‘ man rasch de Zippeln hoch un de Schorte wor kortsch un blank.
Text: Brigitte Deuse