Denn will e ick mo von unset 2. Träpen vonne Plattspräkers vertelln.
Wedder bie schönstem Sonnenschien häm wei in Üllitz an Albertinesee jesäten un dit un dat vertellt.
Un et jab vähl tau vertell’n, wei hatten nämlick en Jast, der nu ok bie uns mitmoken will. Klaus Brandt, en ehemolijer Jlöther, der von uns ut de Zeitung erfohr’n hät. Denn hätte sick bie Christeln jemeldt, sin se beide fast gleichold un kenn‘ sick noch vonne Schaule. Er hät vähl ewer de früheren Tieten vertellt un konne sick noch an villes erinnern. So wie ok Heidemarien, se häm’n alle beide in ene Stroate jewohnt.
Brijitte hät uns ok ’ne scheene Jeschichte op Platt vorjelesen, „Et Schlachtfest“ von Martin Selber.
Unset Heimatfest woar natürlich ok Thema un wei frein’n uns schon op unsen Optritt.
Dat nächste moa träpen wei uns wedder oan 23.08.2018 um 16:00 Uhr on Albertinesee.